ہاتھرس میں مویشی چوروں کاپولیس پر حملہ، دو زخمی

اترپردیش میں ہاتھرس ضلع کے سکندرا راؤعلاقے میں مویشی چوروں نے کل رات دو پولیس اہلکاروں پر حملہ کرکے انہیں زخمی کر دیا۔پولیس ذرائع نے آج یہاں بتایا کہ سکندرا راؤقصبے میں کل رات حاکم پرساد کے باڑے سے مویشی چوری کرنے والے گروہ



کے بدمعاش دو بھینس اور ایک گائے چوری کرکے لے جارہے تھے، آہٹ ہونے پر حاکم پرساد جاگ گئے اور پولیس کو اطلاع دی۔اس اطلاع پر گشت پر نکلی پولیس کے دو کانسٹیبل اوما شنکر یادو اور اروند کمار موقع پر پہنچے اور انہوں نے دو مویشی چوروں کو پکڑ لیا۔